بوتون دونیا آذربایجانلیلاری و دئموکرات اینسانلارا سسله نیش:
بیلدیگینیز کیمی، سون ایکی آی ایچریسینده اونلارجا تانینمیش گونئی آذربایجانلی سیاسی و مدنی فعال، ژورنالیست، یازار و اینسان حاقلاری مدافعه چیلری، ایران رئژیمی طرفیندن ایش یاخود یاشام یئرلریندن اوغورلانیب ویا امنیت اورگانلارینا چاغریلاراق گؤز آلتینا آلینیبلار. توتوقلانان ایگیدلریمیزین ساییسی ۴۰-دان چوخ اولاراق، توتوقلانانلاردان ایکیسی ده آزربایجانین قهرمان قادینلارینداندیر. توتوقلانان اینسانلاریمیزین بیر چوخونون هاردا و نه دورومدا اولدوقلاری ایله باغلی هئچ بیر معلومات الده یوخدور. بو آرادا دونیا ایجتیمائیاتی، مئدیالار و بشر حاقلاری آدینا چالیشان ایران و اولوسلاراراسی تشکیلاتلارین ایران شووینیست رئژیمینین وطنیمیزده آپاردیغی قددارلیغا گؤز یوموب، سوسماقلاری اونون زوراکیلیغا داوام ائتدیریب و داها سرتلشدیرمهسینه یول آچمیشدیر.
باخمایاراق کی گونئی آذربایجان تورک میللتی’نین میللی – مدنی فعال لاری میللتیمیزین میللی حاقلاری اوغرونداکی دئموکراتیک موجادیلهلهلرینی تامامی ایله مدنی و شدتدن اوزاق یوللارلا ایره لی آپاریرلار، سون هفتهلرده باسقیچی و خالق دوشمنی اولان تئهران رئژیمی گونئی آذربایجان میللی حرکتی علیهینه باسقی و تضییقلرینی آرتیراراق، یئنی بیر آدام اوغورلاما، سورغولاما و توتوقلاما دالغاسی باشلاماقلا آذربایجان میللی حرکتی’نی باسدیرماق یؤنونده یئنی بیر مرحله یه گیردیگینی آچیقجا اورتایا قویماقدادیر.
گونئی آذربایجاندا یورودولن باسقی و قددارلیغا اعتراض اولاراق، خاریجده یاشایان سویداشلاریمیز بوندان اول قوزئی آذربایجان، ایسوئچ و تورکییهده ایران سفیرلیکلری قارشیسیندا میتینگ کئچیرمیشلر. ایندی ایسه، بیز آلماندا یاشایان آذربایجانلیلار، وطنسئور سویداشلاری و هابئله دئموکرات اینسانلاری گونئی آذربایجاندا اولان آغیر دورومو دونیایا چاتدیرماق و ایران رئژیمینه اعتراض هدفی ایله پیلانلادیغیمیز میتینگه دعوت ائدیریک.
* خواهش ائتمک ایستردیق بو میتینگ دن حمایت ائدن تشکیلاتلار آدلارینیین سیاهیده قید اولونماسی اوچون بو آدرسه خبر وئرسینلر: [1] tabriz@gmx.net
* آذربایجان – آلمان آکادمیک لر جمعیتی - برلین
* گونئی آذربایجان میللی بیرلیک شوراسی
* گونئی آذربایجان میللی اویانیش حرکاتی (گاموح)
* گونئی آذربایجان دموکرات پارتیاسی
میتینگ ین یئری:
ایران اسلام جمهوروسو سفیرلیی – برلین
Podbielskiallee ۶۷
۱۴۱۹۵ Berlin
U – Bahn Podbielskialle
Samstag ۳۱ Juli ۲۰۱۰
۱۵. ۰۰ -۱۶. ۰۰ Uhr
میتینگ ین زامانی:
شنبه گونو ۳۱ جولای
ساعات ۱۵ – ۱۶
علاقه تئلفونلار:
۰۱۵۷۷۶۵۷۲۷۷۵ برلین آکسیاسینین تداروکات کومیتهسی |
