تورک میللتینین ایران آدلانان اولکه ده بیر سیرا میللی سیاسی تشکیلاتلاری طرفینده ن اوخول لارین فارس دیلینده آچیلیشی مناسبتی ایله ، اورتاق بیلدیر شی:
سسسیز سوی قیریمینا سون قویمالییق
.
گئچمیشده منفور پهلوی سلاله سی وبو گونده ده ایسلام جمهورلوغو طره فینده ن گوناهسیز تورک بالالاری و اویرنجیلر اوخول لاردا فارس دیلینده ائیتیم آلاراق، آنا دیلینده اوخول لاردا یازیب اوخوماق ایزنی وئریلمه ییب ،گئنیشلنمه سینه مانع لر توره دیلیبلر. بونلارین نتیجه سینده تورک میللتی آغیر میللی خسارته معروض قالیب، تاریخی اینسانی وارلیقی اولان «آنادیلینین » ذره ذره محو اولوب آرادان گئتمه سی ایله سسسیز سوی قیریمینا شاهید اولوبدور.
فارس شووینیسلرین بو عملینی آکادمیسیینلر، دولتی ترور و گوناهسیز اینسانلارین وارلیغی تلفاتی کیمی ده یرلندیریرلر .
ایران آدلانان اولکه ده تورک میللتی چاغداش و مدنی سوییه ده ،اینسانی ،قانونی، میللی و سیاسی ایستک لرینی دونیا اجتماعیتی تشکیلاتلارینین دققتینه چاتدیرماق ایستیقامتینده دینج حرکتلره باشلاییب.
بو قوتسال میللی و انسانی حرکت ایسلام دونونا بورونموش، تهران فارس شوونیست رژیمی طرفینده ن هرتورلو توهین و تحقیره معروض قالیب ،میللتین حاقلی اعتراض لاری زندان و اشکنجه ایله جواب لانیر.
بیز خوراسان تورکلرینین میللی اویانیش حرکاتی ،تورکمن خالقینین فرهنگی - سیاسی کانونو و گونئی آذربایجان میللی اویانیش حرکاتی گاموح تشکیلاتلاری اولاراق ،ایران ایسلام جمهورلوغونا اوز اعتراضلارینی بیلدیره رک، ایراندا یاشایان تورک میللتینین بیر سیرا ایستکلرینی بیر داها وورقولاییب، اینسان حاقلارین قورویان تشکیلاتلارین وبوتون دونیا ایجتیماعییه تین دیققتینه چاتدیریرک:
١.ایراندا یاشایان میللتلر گله جکلرینی بلیرله مه حاققینا مالیک اولمالیدیرلار.
٢ـ اؤلکه ده یاشایان ٣٥ میلیوندان آرتیق تورکون« آنا دیلی » اولکه نین رسمی دیللریندن اولاراق بوتون اوخول لاردا، ایلک اوخولدان بیلی یوردوناده ک، دولتی حمایتلرده ن فایدالانیب، تدریس و تحصیل اولونمالیدیر .
٣ـ تورکلرین یاشادیقلاری بولگلرده یارانمیش اکونومیک و سوسییال پوزغونلوغا سون قویولمالیدیر .
۴ـ ایراندا یاشایان بوتون میللتلرین ائشیت حوقوقو تضمین اولونماقلا، قادینلار، اوشاقلار حاقلاری قورونمالی و هرتورلوآپارتایدا سون قویولمالیدیر
٥ـ تورکلرین یاشادیقلاری میللی تاریخی بولگلرده تورپاغیلارینین بوتوولوگو قورونمالی، سیاسی آماجلار داشییان قوندارما کوچورمه لر دایاندیریلمالیدیر .
۶- قوندارما گلستان آدی یِئرینه تورکمنستان یا داها اویغون گونئی تورکمنستان آدی رسمی تانینمالیدیر
٧ـ ٢۴ ساعاتلیق رادیو و تلویزیون تورکجه وئرلیشلری دولتی بودجه ایله یارانمالیدیر .
۸ ـ تورک میللتینین آتا بابا میراثی اولان، کولتور و موسیقی سی قورونماسی ،اینکشافی یونونده آکادئمیک فاکولته لری یارانمالیدیر .
۹ ـایران آدلانان اولکه ده میللی حاقسیزلیغا معروض قالان میللتلرین انسان حاقلاری قورویان تشکیلاتلار و سیاسی تشکیلاتلارا فعالیت ایمکانی یارانمالیدیر .
١٠ ـ ایران اسلام جمهورلوغونون توتساقلاریندا اولان میللی اویانیش –آزادلیق- حرکاتینین فعا للاری تئزلیکله آزادلیغا بوراخیلمالیدیر.
گونئی آذربایجان میللی اویانیش حرکاتی (گاموح)
تورکمن خالقینین فرهنگی - سیاسی کانونو
خوراسان تورکلرینین میللی اویانیش حرکاتی
2007-09-22
