تبریز "یا قاراباق یا اولوم" هارایلادی
جمعه گونو آیین 13 ساعات مئیدانی و مصلا اونونده قدس گونو گوسته ری یاپانلارلا برابر، اویرنجی لر و سونرا جماعاتدان دا بیر سایی اونلارا قوشولاراق ((یا قاراباق یا اولوم )) هارایلادیلار.
گونئی آذربایجان اویرنجی لری (سراسری تبریز و شهر میللت چی لریندن بیر نئچه نفر)اونجه دن هماهنگ اولونموش شکیلده ،جمعه گونو مصلا نین اونونده راهپیمایی ائدنلره قاتیلاراق ((یاشاسین آذربایجان – یا قاراباق یا اولوم و آذربایجان اویاقدی وارلیغینا دایاقدی)) شعارلاری وئردیلر کی اونلاردان -یا قاراباق یا اولوم- دوزگون شکیلده سسلندی.بو شعارا قاتیلانلارین سایی اوقدر چوخ اولاردی کی بیر از سونرا بیر قوروپ بسیجی طبیل و ساییر سسلی آلت لرله اورتایا گلیب و آذربایجان اویاقدی خامنه ایه دایاخدی قیشقیریب و میللتچی سسلری باتیرماق ایسته دیلر.دفعه لر جه سپاهی لرین تریبون آرخاسیندا دانیشیقلاری یاشاسین آذربایجان شعارلاریله کسیلدی.
وئریلن راپورلارا گوره اطلاعات قووه لری چوخ ساییدا گوزه دییر و اونجه دن حاضیرلانان محبوسلار کارت پوستالاری یایمینا ایمکان اولماییب.آرتمالییق هله لیک اویرنجی لردن کیمسه نین توتولماسی راپورو وئریلمه ییب.آذربایجان اویرنجی حرکاتی نقشه نین دوزگون یئرینه گئتمه سینه گوره آبانین 13 دانش آموز گونونده ده بئله بیر ایشی پلانلاییر.
اونجه دن اویرنجی مخبرلر او گون کافی نت لرین باغلی اولدوغو اوچون راپورو در حال چاتدیرا بیلمه مه دیکلرینه گوره آذربایجان میللتیندن اوزور دیله ییر.
آذرباجان اویرنجی حرکاتی - تبریز
|
