اویرنجی لردن توتولانلارا دستک

    اویرنجی حرکاتي اللریله مین لر کارت پوستا،آذربایجان محبوسلارینا دستک اولاراق یونیوئرسیته لرده و شهرلرده یاییلماقدادیر.

تهران وتبریز بیلیم یوردو اویرنجی لرینین وئردیکلری معلومات قئید اولونان کارت پوستالارین گئنیش شکیلده یایمیندان خبروئریر.گونلر اونجه دن بو کارت پوستالار تبریز اویرنجی حرکاتینین الینه چاتسادا، آرتیق تبریز آزاد، سراسری ،پیام نور، نبی اکرم و البته تبریز شهر دوزینده (قدس راهپیمای سینده) پلانلاشمیشدیر.بیر نئچه واقت سونرا اویرنجی حرکاتین اورمو قولوندان عین خبرلر گلیر.

خاطیرلاداق کی میللت چیلیک داشیان سیته لر بیر نئچه گون اونجه دن بو خبرین یایلماسینا جهد گوستر میشلر کی بو حاقدا ایکی قونویا توخونالیم :

1-     هر بیر یايیم حالیندا اولان ایشین خبرین در حال سیته لره قویولماسی (بو مورد)گونئی آذربایجان اویرنجی لرینه جیددی تهلوکه توره ده بیلر.یاخشی اولاردی یاییم ایشی بیتندن سونرا خبر یایلایدی.هر حالدا بئله بیر یاییم ،اویرنجی حرکاتینی اوز پلانلارینی آچیقجاسینا اویرنجی حرکات وئبلاگی (azoh.blogfa.com) دا یئرلشدیرمه سی و دولایسیلا پلانین دوزگون و کامیل شکیلده یئرینه گئتمه مه سینه سونوجلانا بیلر.

2-     اویرنجی حرکات فعاللاریندان و یا ایشلریندن خبر گئدیرسه اونلارین قایناقلاری قئید اولونمالیدیر.بو آذربایجان اویرنجی حرکات وئبلاگیندان آلینمامیش خبرلریده ایستیثنا ائتمیر.

 آذربایجان اویرنجی حرکاتی – یاییم قوروپلاری