17/10/2007
رسمی پکينين بوتون اعتراض لارينا باخماياراق، آمريکا پرزيدنتی جورج
پرزيدنت بوش دالائی لاما ايله آغ ائوده گوروشور
بوش تيبتــين دينی رهبری دالائی لاما ايله گوروشوب. آغ ائوده کئچيريلن گوروشون لغو ائديلمه سی اوچون چين ان جدی هده لرله- ايکی ئولکه نين مناسبت لرينين پوزولماسی خبردارليق لاری ايله چيخيش ائتميشدی. آغ ائوين سوزچوسو دانا پرينونون دئديينه گوره، پرزيدنت بوش چينين بو مسئله ايله باغلی ناراحاتچيلقلارينی بيلدييندن بو گوروشون کئچيريله جه يی ايله باغلی چين رهبری هوجينتائويا دا قاباقجادان خبر وئرميشدی. پرزيدنت بوش آمريکا کنگره سينين دالائی لامايا قيزيل مدال وئرمه مراسيمينه بويوک غرورلا قاتيلاجاغينی دا جناب هوجينتائو يا سويله ميشدی. خانيم پرينونون دئديينه گوره رسمی واشنگتون جناب دالايی لامانی بير دينی ليدئر کيمی دستکله سه ده ، تيبتـن چيندن آيريلماسی تئوری سينه دستک وئرمير و چين له ياخشی مناسبت لرينين داوام ائتمه سينی ايسته يير.
|
