Xarici işlәr naziri Әhmәd Davudoğlu, İstanbulda keçirilәn Әfqanıstan mövzulu toplantıdan sonra, eyni mövzunun müzakirә edilәcәyi yığıncaqda iştirak etmәk üçün dünәn İngiltәrәyә yola düşüb.

Davudoğlu tәyyarәdә jurnalistlәrә müsahibә verib. Daxili siyasәtlә bağlı cәrәyan edәn hadisәlәrin xarici siyasәtә әks etmәdiyini ifade edәn Davudğlu, Türkiyәyә xaricdәn baxanda, bütün qurumların işlәdiklәri müşahidә olunur. Xarici siyasәtdә gücümüzü artıran әhәmiyyәtli ünsür isә tәşkilatlarımızın demokratik olmalarıdır deyib.

Davudoğlu, Әfqanıstanda tәrk silah edәn Talibanın siyasәtә daxil olma istiqamәtindәki sәylәri vә bunun PKK ilә әlaqәlәndirilmәsiylә bağlı suala cavabәn deyib: Türkiyә ilә Әfqanıstanı müqayisә etmәk sәhv olar. Türkiyәdә güclü vә nizamlı bir sistem mövcutdur. Talibanın BMTnin terror siyahısından çıxarılması üçün rәsmi olaraq müraciәt etmәsi halında, Türkiyә buna dәstәk verәcәk. Londona sәfәrimin әsl mәqsәdi isә Әfqanıstan mövzulu yığıncaqda iştirak etmәkdir. Ancaq hәmin çәrçivәdә Ermәnistan ilә әlaqәlәr dә gündәmә salınacaq.

Davudoğlu Londondan Fransanın Strasbourg şәhәrinә keçәrәk Avropa Şurasının Millәt vekillәri Mәclisinin sәdri seçilәn Mevlüd Çavuşoğlunu tәbrik edәcәk.