Abdullah Sadiqinin sağlıq durumu ağırdır

Bir müddət öncə həbs olunaraq Təbriz təcridxanasına salınmış Güney Azərbaycan Milli Hərəkatının fəalı Güntay adı ilə tanınan Abdullah Sadiqi aclıq aksiyasına başlayıb. GAMOH-un Bakı nümayəndəsi Ağrı Qaradağlının "OLAYLAR"a verdiyi məlumata görə, artıq aksiyadan 14 gün keçir. Martın 3-də siyasi fəalın mədəsində qanaxma başlanıb. Qan təzyiqi kəskin düşən Sadiqi komaya düşüb. Qeyd edək ki, azərbaycanlı fəal Təbrizin "Traktor" futbol klubunun fəal azarkeşi olaraq plakatlar hazırlayır və yayırmış. Onun sağlıq durumu türmədə gördüyü işgəncələrdən sonra pisləşib.